Автор: Super User. Дата публикации: . Категория: Новости.
БИЫЛ ШЫМКЕНТТЕ БЕСІНШІ ПЕРЗЕНТХАНА АШЫЛАДЫ
Бұл туралы Шымкент қаласының әкімі Мұрат Әйтенов 2020 жылдың қорытындысы бойынша онлайн форматта өткен халық алдындағы есеп беру кездесуінде айтты. – Адами капитал перзентханадан басталады десек, артық айтқанымыз емес. Сол себепті ана мен баланың денсаулығы мемлекеттің қорғауында. Бүгінде қаладағы екі перзентханада күрделі жөндеу жүріп жатыр. Бұл жұмыстар таяуда аяқталады. Жалпы, Шымкентте төрт перзентхана бар. Орынның тапшылығына байланысты Бірінші аурухананың жанынан бесінші перзентхананы ашуды көздеп отырмыз, – деді қала әкімі. Мұрат Дүйсенбекұлының айтуынша, қазіргі таңда Шымкент қаласының денсаулық сақтау саласын дамытудың 2025 жылға дейінгі жоспары дайындалып жатыр. Бастапқы медициналық көмекке көп көңіл бөлінеді. Бұл салаға жеке инвесторлар да келуде. Жеке емханалардан бөлек, биыл мың орындық заманауи аурухана құрылысын бастау жоспарланып отыр. Айта кетейік, былтыр үшінші мегаполисте 31 455 сәби дүниеге келген.
ШЫМКЕНТТЕ "СПУТНИК V" ВАКЦИНАСЫНЫҢ ЕКІНШІ ДОЗАСЫН ЕГУ БАСТАЛДЫ
Шымкент қаласындағы емдеу мекемелерінде "Спутник V" вакцинасының екінші дозасын егу жұмыстары басталды. Вакцинация шаһардағы төрт екпе бекетінде жүргізілуде.
Коронавирусқа қарсы вакцинаның екінші дозасын алғашқылардың бірі болып Шымкент қалалық денсаулық сақтау басқармасының басшысы Бақытжан Позилов салдырды. «1-19 ақпан күндері аралығында "Спутник V" вакцинасының 1000 дозасын салып бітірдік. Күні кеше бізге тағы 1000 доза вакцина жеткізілді. Бүгін таңертең төрт емханаға вакцина таратылып, егу жұмыстары жүргізілуде. БҰған дейін вакцина алғандар екінші дозасын алуы қажет. Бүгін мен өзім екінші дозасын алдым. Қазір жағдайым жақсы», - дейді басқарма басшысы Позилов Бақытжан. Айта кетейік, қалаға жеткізілген "Спутник V" вакцинасының екінші дозасын коронавирус инфекциясымен алдыңғы шепте күресетін медицина қызметкерлері алады. Мұнан кейін жоспар бойынша өз еркімен келісім берген мұғалімдер мен полицейлерге салынбақ.
ШЫМКЕНТ ҚАЛАСЫНЫҢ ДЕНСАУЛЫҚ САҚТАУ БАСҚАРМАСЫ
В ШЫМКЕНТЕ НАЧАЛАСЬ ВАКЦИНАЦИЯ ВТОРЫМ КОМПОНЕНТОМ ВАКЦИНЫ "СПУТНИК V"
В лечебных учреждениях г. Шымкент начата работа по вакцинации вторым компонентом вакцины "Спутник V". Вакцинация проводится в четырех поликлиниках города,где организованы прививочные кабинеты. Вторую дозу вакцины против коронавируса одним из первых получил руководитель Управления здравоохранения города Шымкента Позилов Бакытжан. "С 1 по 19 февраля мы привили медицинских работников 1000 доз вакцины" Спутник V". Вчера нам доставили еще 1000 доз вакцины. Сегодня утром четыре поликлиники получили вакцину и начали вакцинацию вторым компонентом. Лица,вакцинированные первой дозой, должны получить второй компонент вакцины. Сегодня я сам получил вторую дозу. Сейчас у меня хорошее самочувствие»,-говорит руководитель управления Бакытжан Позилов. Отметим, что второй компонент вакцины "Спутник V", доставленный в город, получат медицинские работники, борящиеся с коронавирусной инфекцией на передовой. После этого, по плану, учителя и полицейские, добровольно давшие согласие, будут вакцинированы против инфекции Управление здравоохранения города Шымкент
